NË 2020 AGJENCIA DANEZE E DIZAJNIT dhe arkitekturës Norm Architects i dhanë jetë të re karriges ikonike Domus gjatë Javës së Dizajnit Stokholm. U rikonceptuan dy karrige dhe ngjitur me to është shtuar një stol i ri dhe tavolinë anësore. Norm Architects është themeluar në Kopenhagë në 2008 nga Jonas Bjerre-Poulsen dhe Kasper Rønn. Që prej atëherë, kompania është bërë një prej studiove më interesante të Danimarkës, e njohur për arkitekturën, interioret dhe projektimin industrial bazuar në thjeshtësi, cilësi, qëndrueshmëri dhe përjetësi. Kur DUX e ftoi Norm të kërkojë arkivën tonë për të gjetur frymëzim për një koleksion të ri, studioja u përqendrua te karriget Domus. Këto karrige, njëra prej druri dhe tjetra prej çeliku, u dizajnuan për herë të parë nga Alf Svensson për H55, Ekspozitën Ndërkombëtare të Helsinkut të 1955.

DUX i kërkoi Norm të zgjedhë një koleksion artikujsh klasikë që ngjajnë bukur në interioret moderne, si në sferën private ashtu edhe në atë tregtare. "Vendosëm për Domus, sepse donim të zgjedhnim diçka që i përshtatej Norm", thotë Jonas Bjerre-Poulsen, themeluesi dhe menaxheri i krijimtarisë. "Këto karrige kanë detaje elegante dhe estetike që shkojnë me koleksionin ekzistues të DUX dhe ofrojnë komoditetin më të mirë. Ato mund të vihen fare lehtë thuajse në çdo dhomë gjumi ose ndenjeje." Norm e ka ruajtur dhe zhvilluar dizajnin. Ata kanë shtuar thurje në pjesën e uljes, kanë përshtatur përmasat dhe kanë ndryshuar materialet e përdorura. Kanë dizajnuar edhe një tavolinë dhe stol prej lisi të fortë të vajosur me dyll për t'u përshtatur në mënyrë të përkryer me karriget. Edhe koka minimaliste Anna e shtratit prej lisi dhe tekstili është projektuar rishtas.